Әлмәтне контрольдә тоталар
Россия Президентына 8 кандидат дәгъва кыла. Сайлау участокларында аларның күзәтүчеләре дә утыра. Шәһәр буенча барлыгы 300 дән артык күзәтүче эшли. Һәр адым, гамәл – барысы да ныклы контрольдә.
– Сигез кандидатның һәрберсенең үз күзәтүчесе бар. Алар авыл җирлекләрендәге сайлау участокларында да утыра. Мин көн азагына күзәтүчеләр тагын да активлашыр дип уйлыйм. Гадәттә тавышларны санаганда алар күбрәк була, – диде шәһәр территориаль сайлау комиссиясе рәисе урынбасары Татьяна Ершова.
Без 800 нче сайлау участогында утыручы күзәтүчеләр белән аралаштык.
– Сайлаулар бик яхшы оештырылган. Кешеләр килә, тавыш бирә, зарланучы юк. Без, күзәтүчеләр тарафыннан әлегә закон бозулар теркәлмәде, – диде күзәтүче Светлана Коновалова.
Следите за самым важным и интересным в Telegram-каналеТатмедиа