«Кванториум»да яңа түгәрәкләр ачыла

Бүген биредә укучылар үзләренең күңелләренә хуш килгән түгәрәкләрдә шөгыльләнә инде. Кайберләре төрле бәйгеләрдә катнашып, призлы урыннар алуга да иреште. Технопарк җитәкчелеге балаларның кызыксынуларын истә тотып, шөгыльләрне тагы да төрләндерергә карар кылган. Хәзер биредә «Робоквантик» (лего, дино-модельләштерү), «Любознайка» (ирекле рәсем төшерү, бармаклар белән рәсем ясау, эбру, җеп графикасы, киригами, квилинг, күләмле флористика, пэчворк), «Кул иҗаты», «Яшь леди», 3D модельләштерү, Яңа ел композицияләре әзерләү юнәлешләре булдырылып, мастер-класс сәгатьләре оештырылачак.