Дәүләт хезмәткәрләренә 70 яшькә кадәр эшләргә рөхсәт бирделәр

Документ нигезендә, югары төркемдәге дәүләт хезмәтендә җитәкче вазифасын биләүче дәүләт хезмәткәрләренең, тиешле яшькә җиткәннән соң, эш срогы аның ризалыгы белән озайтылырга мөмкин. Әлеге карарны түрәне шушы вазифага билгеләгән дәүләт органы яисә тиешле җаваплы кеше кабул итәргә мөмкин. Шул ук вакытта канун 70 яшьнең шулай да өске киртә булуын җиткерә һәм шушы яшькә җиткәннән соң дәүләт хезмәте срогы башка озайтылмаячак, дип ачыклый. Татарстан Республикасы Дәүләт Советы “Татарстан Республикасы дәүләт гражданнары хезмәте турында”гы канунга үзгәрешләрне 26 октябрьдә кабул иткән булган.  Татарстан Президенты имзалаганнан соң, документ Татарстан Республикасы хокукый мәгълүмат рәсми порталында басылып чыкты.

http://tatar-inform.tatar/news/2017/11/13/152250/

Фото: http://go.mail.ru/search_images?q