Юлларда
Татарстанда сөт ташучы КАМАЗ машинасы ауган. Кабинада бала утырган булган
Юл һәлакәте 29 июнь көнне 14.40 сәгатьтә Лениногорск районында килеп чыккан.
Сөт ташучы КАМАЗ машинасының 35 яшьлек йөртүчесе сөйләвенчә, таудан төшкәндә тормозлары эшләми башлаган. Һәлакәт урынына ЮХИДИ хезмәткәрләре һәм коткаручылар килгән.
Машина йөртүче үзе зыян күрмәгән, ә менә янында утырып барган 13 яшьлек малае кулын сындырган — аны Чаллы хастаханәсенә алып килгәннәр.
Фото: ГУ МЧС по РТ.
Следите за самым важным и интересным в Telegram-каналеТатмедиа