Нәниләр мәктәпкә әзер!
27 апрель көнне балалар һәм яшүсмерләр иҗаты үзәгендә "Любознайка"ның 15 еллыгына багышланган бәйрәм тамашасы булып узды. Әлеге чор эчендә мәктәпкәчә яшьтәге балалар өчен үсеш мәктәбен якынча 2 мең бала тәмамлаган.
"Любознайка" балаларны мәктәпкә әзерләүдә әти-әниләргә иң зур ярдәмче булып тора. Чөнки биредә 2 ел дәвамында 5-7 яшьлек нәниләр мәктәп фәннәре нигезләрен өйрәнә. Бәйрәм барышында балалар үзләренең белемнәрен исбатлап та күрсәтте. Төрле уен-бәйгеләрдә катнашты, җырлады-биеде. Чыгарылыш кичәсенә алдагы елларда үсеш мәктәбен тәмамлаган малайлар-кызлар да килгән иде. Алар үзләренең музыкаль номерларын күчтәнәч итеп тапшырды. Бу көнне балалар һәм аларның әти-әниләре рәхәтләнеп ял итте.
Г.ГЫЙЗЗӘТУЛЛИНА.
Автор фотосы.
Следите за самым важным и интересным в Telegram-каналеТатмедиа