Әлмәттә хуҗасыз этләргә көн бетә

Шәһәр властьлары бу максатларга 560 мең сум акча бүлеп бирергә җыеналар. Дәүләт сатып алулары сайтында сукбай һәм агрессив этләрне тотуга һәм утильләштерүгә тиешле заявка урнаштырылган. Заказчы - район башкарма комитеты. Барлыгы 816 авыру этне йоклатырга планлаштыралар. Контракт шартлары буенча, этләрне тоту торак сәясәте департаменты заявкасы буенча башкарылачак. Аукцион 2 майда узачак. Акча муниципаль бюджеттан бүлеп биреләчәк. Эшләр агымдагы елның 31 декабренә кадәр башкарылырга тиеш.