Тормыш - яшәеш
Әлмәттә булган ике юл һәлакәтендә зыян күрүчеләр дә бар
Шимбә көнне Төзүчеләр проспекты - Шевченко урамы чатында "Хонда-Цивик" автомобиле шоферы сул якка борылганда "Тойота"га юл бирми һәм нәтиҗәдә ике машина бәрелешә.
"Хонда-Цивик"тагы пассажир хатын-кыз зур имгәнүләр белән медсанчастька озатыла. Шушы ук көнне бераз соңрак Совет урамындагы 55 нче йорт каршында "Киа-Спектра" автомобиле шоферы, машина белән идарә итү хокукыннан мәхрүм ителүенә дә карамастан, руль артына утыра һәм тизлекне, өстәвенә кырыйдагы куркынычсыз араны сакламавы аркасында каршылыкка килеп бәрелә. Тән җәрәхәтләре белән ул да медсанчастька озатыла.
Следите за самым важным и интересным в Telegram-каналеТатмедиа