Әлмәтленең велосипедын һәм тәгәрмәчләрен урлап качканнар
Сигез тәгәрмәч һәм велосипед урлаганнар, дип әлмәтле полиция хезмәткәрләренә мөрәҗәгать итә. Гараждан урланган әйберләр барлыгы 20 000 сумлык булган.
61 яшьлек ир бу хәлне март азагында ук белә. Полиция хезмәткәрләре бурларның эзенә тиз арада төшә. Бу җинаятьне 41 һәм 19 яшьлек әлмәтлеләр кылган булып чыга. Зурысы элек тә җинаять җаваплылыгына тартылган булган, дип хәбәр итә ТР Эчке эшләр министрлыгы матбугат хезмәте.
Следите за самым важным и интересным в Telegram-каналеТатмедиа