Әлмәт укучылары СПИДка каршы
Әлмәтнең картиналар галереясында СПИД ка каршы көрәш көне уңаеннан укучылар арасында рәсем бәйгесе оештырылды. "Балалар катнашында мондый чара оештырган бар иде, ләкин мондый ук масштабта түгел. Тема актуаль - иҗади эшләр искитәрлек" , - ди оештыручыларның берсе СПИД-үзәкнең табиб-эпидемиологы Алсу Газыймова. Бәйгегә 4 сәнгать мәктәбеннән 50 гә якын эш тәкъдим...
- Матур киләчәк, дөрес юл сайлавын тәэмин итү өчен балаларның игътибарын наркомания, аның нәтиҗәсе буларак СПИД, иртә җенси мөнәсәбәтләрдән читтә торуга юнәлтергә кирәк, - ди белгечләр.
Жюри рәсемнәр эленгән экспозицияне бер генә урамады. Рәсемнәрнең барысы да мәгънәле, матур ясалган. Шуңа күрә җиңүчене билгеләү дә катлаулы булды. Фикер алышулардан соң беренче урынга 1 балалар сәнгать мәктәбеннән Диана Савельева лаек дип табылды. Икенче урынны 2 балалар сәнгать мәктәбеннән Илүзә Сөләймәновага бирделәр. Әлмәт балалар рәсем сәнгате мәктәбеннән Эльмира Сәлимгәрәева 3 урында. "Тамашачы мәхәббәте" номинациясендә Әлмәт балалар рәсем сәнгате мәктәбеннән Дарья Иванованы билгеләп үттеләр. "Иң яшь катнашучы" номинациясендә 1 нче балалар сәнгать мәктәбеннән 9 яшьлек Розалия Матвеева бүләкләнде. Бәйгедә катнашкан бер генә бала да чарадан бүләксез китмәде.
Следите за самым важным и интересным в Telegram-каналеТатмедиа
Оставляйте реакции
