Әлмәт таңнары

Әлмәт кешесе шприцка салып әфъюн саклаган

Узган тәүлектә хокук сакчылары 4 җинаять ачыклаган: 1 се мошенниклык, 2 се урлау очрагы, 4 факт корал алу белән бәйле.


Май башында билгесез берәү Миңлебай авылында Кичү елгасы аша күпердән 3 метрдан артык озынлыктагы тимер торбаны кисеп ала. Мактама полиция бүлеге хезмәт­кәрләре шушы ук авылда яшәүче 60 яшьлек элек тә хөкем ителгән ир-атны тоткарлый. Урланган торба алынган, тикшерү эше бара.

Шушы көннәрдә хокук сакчылары 39 яшьлек ирне тоткарлый. Тикшерү вакытында аның кесәсендә тонык төстәге сыеклык салынган шприц табыла. Авырлыгы 0,51 грамм­лы ацетильләшкән әфъюн була ул.

Исерек хәлдә машина белән идарә итүчеләр ачыкланып кына тора. Бер тәүлек эчендә ЮХИДИ инспекторлары әнә шундый 3 машина йөртүчене тоткарлый. Шулай ук юл хәрәкәте кагыйдәләрен бозган 99 факт та билгеле.

Әлмәт полиция бүлегенең матбугат хезмәте биргән мәгълүматлар буенча Ләйләгөл МИНАЕВА әзерләде

Теги: 250
Нравится
Поделиться:
Реклама
Комментарии (0)
Осталось символов: