Әлмәт кешесе кырыгалдарлар тозагына эләккән

Автомобильнең арзан бәясенә кызыгыптыр инде, әлмәтле тиз арада "сатучы" белән элемтәгә керә. Тегесе, үз чиратында, дәвалануга кичекмәстән акча кирәккәнгә машинасын сатарга уйлаганын әйтә, "документларын иртәгә рәсмиләштеребез" диеп, алдан 150 мең сум акчасын хисабына күчерүне сорый. Икенче көнне дә кырыгалдар хастаханәдә булуын, шунлыктан очрашуга килә алмавын хәбәр итә, калган сумманы күчерүне сорый. Шунда әлмәтле шиккә кала. Ә соңрак, инде "сатучы" шалтыратуларга җавап бирми башлагач, алданган ир хокук саклау органнарына мөрәҗәгать итә.