Әлмәт 7 млн сумнан артык акча отты
Әлмәт ТОСлары ТР Икътисад министрлыгы оештырган бәйгедә катнашты.
Бәйгегә үз проектларын тәкъдим иткән 23 ТОСның унысы җиңүче, 11 е призер булды.Әлмәт буенча алар откан грантларның гомуми суммасы 7 млн 692 мең сум тәшкил итә. Бу акчалар әлмәтлеләрнең яшәеш тирәлеген яхшыртуга тотылачак. ТОС-2, ТОС-9А, ТОС-16А, ТОС-17 беренче урынны яуладылар. Икенче урында ТОС-10, ТОС-12А. Өченчедә - ТОС-24, ТОС-7Д, ТОС-7, ТОС-4. Аларның һәркайсына 160 меңнән алып 665 мең сумга кадәр акча биреләчәк.
Следите за самым важным и интересным в Telegram-каналеТатмедиа