Кызын кияүгә бирде. Төзүчегә...
Туйны Казанда гөрләтеп уздырганнар.
31 июль көнне җырчы Илсаф кызы Энҗене кияүгә бирде. Мәҗлескә 130 кунак чакырылган, алар арасында Илсафның җырчы дуслары да булган.
- Артистлардан Алсу Әбелханова, Раяз Фасыйхов, Ришат Фазлыйәхмәтов, Илнар Сәйфиев, Рәсим Низамов килде. Аларга аеруча рәхмәтләремне җиткерәм. Барлык кунаклар да канәгать калды. Туй югары дәрәҗәдә узды дип уйлыйм, - дип сөйләгән Илсаф Intertat.ru хәбәрчесенә. Яшьләргә бүләк итеп ике яктан 100әр мең сум акча салганнар.
Кияү - Руслан исемле, Казан егете, һөнәре буенча төзүче. Энҗегә - 24 яшь, ул ТР Яшьләр эшләре һәм спорт министрлыгында эшли, белеме буенча икътисадчы. Яшь пар исә Казанда үз фатирларында яшәячәк.
Следите за самым важным и интересным в Telegram-каналеТатмедиа