Интернетта мөселман радиосы эшли башлады

Россия Мөфтиләр советы һәм Россиянең Европа өлеше мөселманнары Диния нәзарәте интернетта «Мирадио» проектын гамәлгә ашыра. Хәзер, http://miradio.ru/ сәхифәсенә кереп, мөселман радиосын тыңларга була.
Әлегә тапшырулар алты сәгатькә исәпләнгән, киләчәктә аны - сигез, аннары унике сәгатькә кадәр арттыру күздә тотыла.
Радионың эше башлавы һәм проектны тәкъдим итү турында рәсми рәвештә 27 гыйнварда Мәскәүдә Крокус Сити холлда Мәүлед бәйрәме уңаеннан узачак кичәдә игълан ителәчәк. Бу хакта "Азатлык" радиосы хәбәр итә.

"Татар-информ"