Әлмәт таңнары

Әлмәт районы

18+
2024 - Гаилә елы
Тормыш - яшәеш

Илдар Ризвановка багышланган хәйрия концерты узды

4 апрель көнне узган елның җәендә көчле юл һәлакәтендә зыян күргән 21 яшьлек Илдар Ризвановка багышланган хәйрия концерты узды.

Хәтерләсәгез, машина бәрелүдән аның баш миенә нык зыян килгән иде. Аны дәвалап, аяка бастыру өчен кыйммәтле дарулар һәм реабилитация үзәкләрендә дәвалану кирәк. Шуның өчен яшьләр арасында популяр булган җәмәгать эшлеклесе Руслан Вильданов аңа ярдәм кулы сузарга була - хәйрия концертын оештыра. Аннан кергән барлык акчалар да Илдарны дәвалауга китәчәк.

Концерт бик җылы узды. Илдарның дуслары аңа ныклап әзерләнгәннәр. Хәтта Яшьләр Үзәге каршында флешмоб та оештырдылар. Килгән тамашачыларга Утлы шоу да күрсәтте яшьләр.

Концертны карарга Илдар Ризвановның әти-әниләре дә килгән идею. Ул гынамы, хәтта Илдар үзе дә концертны карарга теләк белдергән! Авырлык белән булса да, безнең белән беррәттән Илдар да тамаша кылып ,хәтта кул чабып утырды. (Баш миенә зян килү сәбәпле аңа хәтта гади кул чабулар да авырга туры килә).

Концертны оештырган Руслан Вильданов сүзләренчә, ул барсыннан да кәнагать калган. Концерттан якынча 21 мең сум акча кергән. Шулай ук, мәрхәмәтле әлмәтлеләр 5 меңгә якын сумманы карточка номерена салганнар.

"Мин 20дән артык хәйрия концертлары оештырдым. Бу концертны начар үтте, кеше аз килде дип әйтмәс идем. Барлык акчалар да Илдарның әти-әнисенә биреләчәк. Аның тизрәк дәваланып, безнең яңга кайтуын телибез", диде киң күңелле Руслан Вильданов.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса