Тормыш - яшәеш
Балыкка киткән җиреннән исән кайтмаган
Кама ярында балыкчылар табып алган адәм башы имгәнү сәбәпле боз өстендә интегеп яткан.
Балыкчы ирне 8 марттан бирле Чаллының эзләү-коткару отряды хезмәткәрләре эзләгән. 9 март көнне аны башка балыкчылар күреп алган. Имгәнгән адәмне Түбән Кама плотинасы дамбасына кадәр сөйрәп барганнар. Палаткаларында аңына китермәкче булганнар, шәм белән җылытырга тырышканнар. Берни дә барып чыкмагач, ашыгыч ярдәм машинасы чакыртканнар. Килеп җиткән табиблар ир-атның боз өстендә бер генә тәүлек ятмаганын фаразлаган. Балыкчы реанимациягә бару юлында җан биргән. Ярганнан соң аның башына биш тапкыр сугу аркасында гомере өзелгәне мәгълүм булган.
Следите за самым важным и интересным в Telegram-каналеТатмедиа