Тормыш - яшәеш
Альпинистны шоколад коткарган
Япониядә 74 яшьлек альпинист тауларга дүрт көнлек сәяхәт оештырырга булган. Ләкин бер мең метр биеклектә ул таеп китә һәм сукмагыннан читләшә. Олы яшьтәге альпинистның югалуы хакында бер атнадан гына билгеле була.
Вертолет белән эзли башлагач, таулар яратучы тиз табыла. Ул исән-сау һәм сәламәтлегенә бернинди хәвеф тә юк.
Олы яшьтәге кеше таулар арасында берүзе ничек исән калган, дисезме? Ул үзе белән булган бердәнбер ризыгын - шоколадын аз-азлап ашаган һәм тау чишмәсе суын эчкән.
Өшемәс өчен яңгырдан саклый торган киемен бер дә салмаган.
Следите за самым важным и интересным в Telegram-каналеТатмедиа