Әлмәт волонтерлары-яшьгвардиячеләр өлкән яшьтәгеләргә кар чистартуда булыштылар

Бүгенге көндә шәхси секторда яшәүче өлкән яшьтәге кешеләргә һәм сәламәтлекләре буенча мөмкинлекләре чикләнгән кешеләргә аеруча авырга туры килә.

"Бердәм Россия" партиясенең җирле бүлекчәсе җитәкчелеге инициативасы белән ялгыз яшәүче өлкән яшьтәге кешеләргә, Бөек Ватан сугышы ветераннарына һәм инвалидларга кар чистартуда ярдәм күрсәтү буенча штаб төзелде.

Әлмәт яшьгвардиячеләре Бөек Ватан сугышы ветеранының тол хатыны, тыл хезмәтчәне Екатерина Хәбибуллинага бардылар. Акциядә шулай ук Әлмәт шәһәр Советында «Бердәм Россия» фракциясе җитәкчесе Николай Бочкарев, партиянең җирле бүлекчәсе башкарма комитеты җитәкчесе Лилия Миңнеханова катнашты.

Уртак көч белән берничә сәгать эчендә ишегалдыннан кар чистартылды, юллар чистартылды.  Екатерина Петровна канәгать калды. Пенсионер волонтерларга рәхмәт белдерде һәм аларга барысына да уңышлар теләде.

- Көчле кар яву сәбәпле, өлкән яшьтәге кешеләргә йорт яны биләмәләрен җыештыру авыррак. Җирле бүлекчәгә күпләр мөрәҗәгать итә. Беренче чиратта без өлкән буын вәкилләренә ярдәм итәргә тырышабыз. Алар өчен-игътибар һәм кайгырту, ә безнең өчен - бик күп уңай эмоцияләр, - дип билгеләп үтте Лилия Габбасовна.