Әлмәт таңнары

Тимур Нагуманов әлмәтлеләргә кар чистарту буенча идарәче компанияләргә мөрәҗәгать итәргә тәкъдим итте

Идарәче компанияләр шулай ук түбәләрне кардан һәм боздан арындырырга тиеш.

Әлмәт районы башлыгы Тимур Нагуманов халыкка ишегалларында кар чистарту белән идарәче компанияләр шөгыльләнергә тиешлеген искәртте. 

«Ишегалды территориясен җыештыру-идарәче компаниянең җаваплылыгы. Һәр йортның теге яки бу идарәче компаниясе, сездән фатир, ишегалларын җыештыру өчен акча алучы торак милекчеләре ширкәте бар», – диде Тимур Нагуманов.

Бу исә түбәләрдән кар чистартуга да кагыла – моның белән идарәче компания шөгыльләнергә тиеш.


Әгәр ИК белән аралашканда кар чистарту мәсьәләләре хәл ителми икән, «Ачык Әлмәт» хезмәтенә  000 яки 8(8553) 000 мөрәҗәгать итәргә кирәк. Шулай ук шәһәр Башкарма комитеты җитәкчесе Айнур Исхаковка инстаграмда да язарга була.

«Моңа кадәр мин сезнең идарәче компаниягә мөрәҗәгать итәргә киңәш итәм. Әгәр анда аңлаешлы җавап ишетмәсәгез, алга таба безгә төрле инстанцияләргә мөрәҗәгать итәргә мөмкин», – дип ассызыклады Нагуманов.

Реклама

Ул билгеләп үткәнчә, шәхси секторда чистарту идарәче компанияләр түгел, ә шәһәр хезмәтләре тарафыннан башкарыла. Чистартылмаган урамнарның адресларын район башлыгына инстаграмда җибәрергә мөмкин.

 

 

Фото: шәһәрнең автомобиль юллары идарәсе
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: