"Татнефть" "акыллы" футболка һәм сәгатьләрне сыный

Югары электр үткәрүчәнлеге булган махсус тукыма футболкага смарт-бокс беркетелә. Ул электрокардиограмма төшерә, хезмәткәрнең урнашу урыны, шул исәптән биеклек, хәрәкәт маршруты турында мәгълүмат җыя һәм эшкәртүгә җибәрә. Шулай итеп, биеклектән төшү яки маршруттан тайпылу очраклары күзәтелә.

Смарт-сәгатьләре пульсны үлчи, кандагы кислород дәрәҗәсен  һәм  тән температурасын күрсәтә. Ашыгыч хәлләр өчен SOS төймәсе каралган.

Мәгълүматлар  ике җайланмадан да тапшырыла. Кире кагылган очракта сигналлар хезмәт күрсәтүче персоналга тапшырыла.

"Акыллы" футболкалар һәм "акыллы" сәгатьләрне җитештерү объектларында куллану өчен эшләгәннәр.

Сынау уңышлы үткән очракта "Татнефть" әлеге җайланмаларны эш процессларына кертергә әзер, шул исәптән офис хезмәткәрләре арасында – стресс һәм арыганлык дәрәҗәсен үлчәү өчен.