Әлмәт таңнары

Министр урынбасары бездән канәгать

Күпфатирлы торак йортларга уздырылучы капиталь ремонт һәм авария хәлендәге йортларда яшәүчеләрне күчерү мәсьәләсен республика җитәкчелеге даими контрольдә тота.

Бу сорауларга багышлап атна саен видеоконференцияләр уздырыла. Ә 7 октябрь көнне калабызга Татарстан Республикасы төзелеш, архитектура һәм торак-коммуналь хуҗалык министры урынбасары Р.К.Кәримов килде. Равил Каюмович башта торак йортларга быел үткәрелгән капиталь ремонт белән танышты, авария хәлендәге йортларда яшәүчеләрне күчерү өчен билгеләнгән "Дуслык" микрорайонындагы ике йортны карады.
Журналистларга биргән әңгәмәсендә Р.К.Кәримов бу көнне Баулыда, Лениногорскида булуларын әйтте, Әлмәттә капиталь ремонт үткәрелгән йортларны һәм "Дуслык" микрорайонындагы ике йортны караганнан соң бары тик яхшы тәэсир генә калуын билгеләп үтте.
- Бигрәк тә авария хәлендәге йортларда яшәүчеләр өчен төзелүче коттедж тибындагы йортларга керү рәхәт булды. Биредә эшләр тәмамлануга таба бара. Агымдагы ел программасына нокта куелгач, аны киләсе елга да яклау өчен Мәскәүгә тапшырырга кирәк булачак, - диде министр урынбасары.
Мәгълүм булганча, "Дуслык" микрорайонында Алиш урамындагы ике катлы 21 һәм 23 нче йортларда 16 һәм 12 фатир ясалган. Быел аларга Тимирязев урамындагы 24 һәм 28, Монтажная урамындагы ике йорттан 27 гаилә күчереләчәк. Гомумән алганда, Әлмәттә авария хәлендәге дип 22 йорт табылган. Аларда 185 гаилә яши.
Р.К.Кәримов катнашында башкарма комитет бинасында служба җитәкчеләре белән киңәшмә дә уздырылды. Сүз нигездә алда әйтеп үтелгән программалар, тиешле доку- ментларны министрлыкка тапшыруны сузмау кирәклеге һәм башкалар турында барды. Әлмәт муниципаль районы башкарма комитеты җитәкчесе М.Х.Салихов авария хәлендәге йортларны кешеләр күчү белән сүтү зарурлыгын ассызыклады.
Равил Кәримов мәсьә- ләнең республикада актуаль булуын, андый торак йортларда яшәүчеләрнең барысын да федераль, республика, муниципаль район средстволарына төзелүче уңайлы торакларга күчереп бетерергә тырышачакларын искәртте.
И.Апачаева.

Нравится
Поделиться:
Реклама
Комментарии (0)
  • 18 октября 2017 в 10:51
    Здоров