Татарстанда илнең 17 регионы катнашында мәктәп укучылары хәрәкәтенең Бөтенроссия форумы старт алды

Форумга Татарстан Республикасының барлык муниципаль берәмлекләреннән һәм илнең 17 төбәгеннән хәрәкәтнең 1000нән артык активисты килде. Катнашучыларның яше-12дән 17 яшькә кадәр. Ачылу тантанасында Россия Федерациясе Президентының Идел буе федераль округындагы Тулы вәкаләтле вәкиле урынбасары Олег Машковцев, Россия мәктәп укучылары хәрәкәте башкарма директоры Ирина Плещева, Татарстан Республикасы Яшьләр эшләре  министры Дамир Фәттахов катнашты.

Форумны ачып, Олег Машковцев ил өчен экология темасының әһәмиятен ассызыклады. "Идел буе һәрвакыт мәктәп укучыларына үз талантларын күрсәтү өчен барлык мөмкинлекләр дә тудырылуы белән дан тотты. Сез монда фикер алыша торган мәсьәләләр ил, сезнең регионнар үсеше өчен бик мөһим. Президент Владимир Путин сезне – яшь кешеләрне, мәктәп укучыларын экология мәсьәләләренә: акцияләргә, ирекле инициативаларга җәлеп итүнең мөһимлеген берничә тапкыр билгеләп үтте. Чынлыкта, бу безнең экологиябез, шәһәрләребез, киңлегебез чиста булуы мөһим", - диде ул.

Чара «Leaders Biler Forum» Х Халыкара яшьләр белем бирү форумы мәйданчыгында үткәрелә.

Дамир Фәттахов Татарстан республикасында форумны үткәрүнең югары әһәмиятен билгеләп үтте. "Безнең өчен «Экотренд»беренче Бөтенроссия форумында илнең иң яхшы яшь экоактивистларын җыю - зур дәрәҗә. Яшүсмерләр белән очрашуларда мин еш кына иң мөһим темаларның берсе - әйләнә-тирә мохит турында кайгырту турында сүз күтәрәм. Бу яшьләрнең төгәл һәм аңлаешлы таләбе. Биредә Россиянең 17 регионыннан 1000нән артык яшь һәм актив бала җыелды. Ышанам ки, бу форум бу өлкәдә яшьләр үсешенә яхшы импульс бирәчәк. Белемнәр, социаль элемтәләр-болар барысы да балаларга үз шәһәрләрендә һәм төбәкләрендә яшәүне уңайлырак итәргә ярдәм итәчәк", - дип нәтиҗә ясады Дамир Фәттахов.

Форум программасында немузеймордан мастер-класс, экология өлкәсендә әйдәп баручы федераль экспертлардан лекцияләр һәм балаларга үзләрендә яңа талантлар ачарга ярдәм итәчәк чаралар: спорт уеннары буенча чемпионатлар, интеллектуаль турнир һәм «SeletVision»концерт программасы каралган. Катнашучылар экологиянең иң актуаль мәсьәләләре белән танышып,  аларны хәл итү турында үз тәкъдимнәрен формалаштырачаклар.

Инде дүртенче ел рәттән Татарстан республикасы мәктәп укучылары хәрәкәте «Сәләт» яшьләр оешмасы белән хезмәттәшлек итә һәм иҗади тандемда республика гына түгел, Россия Федерациясе дә мәктәп үзидарәсе лидерларын берләштерә торган ачык сменалар үткәрә. Ел саен «Leaders Biler Forum»да 1200 активист катнаша.

Катнашучыларны әйдәп баручы экологлардан, эшчәнлекнең төрле өлкәләреннән килгән профессионаллардан һәм балалар һәм яшьләр инициативаларын үстерүчеләрдән, Россия мәктәп укучылары хәрәкәте өчен чын һәм киләчәк тудыручылардан өч көн белем бирү мастер-класслары көтә.

Балалар барлыгы 75 тематик сессиядә булачаклар, анда табигатьне саклауның нәтиҗәле ысуллары турында беләчәкләр, уңышның нәрсәдән башлануын һәм тормыш юлын ничек сайларга кирәклеген аңлаячаклар. Шулай ук форумда катнашучыларны оешманың тарихы, гореф-гадәтләре һәм проектлары белән таныштырачак ТР балалар сәнгать мәктәбеннән өч масштаблы интерактив уен үткәрү планлаштырыла.

Татарстан Республикасы Яшьләр эшләре һәм спорт министрлыгының матбугат хезмәте