Рөстәм Миңнеханов авыл фельдшерларына машина ачкычлары тапшырды
Тантаналы чара Казанда узды, машиналарны Татарстанның 42 үзәк район хастаханәсе алачак.
Татарстан Президенты Рөстәм Миңнеханов беренчел медицина-санитар ярдәм күрсәтү өчен авыл фельдшерларына 90 автомобиль ачкычы тапшырды.
«Бүген барыннан да элек сезгә һәм сезнең коллективларга коронавирус инфекциясенә каршы көрәш кырында башкарган эшегез өчен рәхмәт сүзләре белән мөрәҗәгать итәсем килә. Әлеге уңайдан вазгыять әле дә бик киеренке булып кала, әмма безнең барлык сәламәтлек саклау хезмәтләренең җайга салынган, төгәл эше аны нормаль хәлдә сакларга мөмкинлек бирә. Бу — урыннарда эшләүче кешеләрнең гаять зур хезмәте», — диде Миңнеханов.
Президент ТР сәламәтлек саклау министры Марат Садыйковка Lada Largus моделендәге 90 машинага (аларның барысы да медицина носилкалары белән җиһазландырылган) сертификат тапшырды.
Татарстан сәламәтлек саклау системасының беренчел звеносын модернизацияләү программасы буенча 2021-2025 елларда авыл җирендәге, шәһәр тибындагы бистәләр һәм халкы 50 меңнән артмаган кечкенә шәһәрләрдәге медицина оешмалары санитар автотранспорт белән җиһазландырылачак.
Следите за самым важным и интересным в Telegram-каналеТатмедиа
Оставляйте реакции
