Алексей Венедиктов: төбәк журналистикасы хәзер күтәрелеш кичерә
Төбәк журналисткасы яза торган проблемалары эчендә яши.
Төбәк журналистикасы бу этапта үсеш хәлендә, шул ук вакытта якын киләчәктә ул, федераль массакүләм мәгълүмат чаралары белән чагыштырганда, үзенең конкурент өстенлекләрен көчәйтеп, үсәчәк. Журналист Алексей Венедиктов шулай дип хәбәр итте.
Төбәк журналистикасының федеральныкы белән чагыштырганда өстенлекләре — ул тема буенча күбрәк хәбәрдар, яза торган проблемалар эчендә яши, дип билгеләп үтте спикер. Ул шулай ук хәзерге вакытта төбәк журналистикасының күтәрелештә булуын ассызыклады.
Мисал итеп, ул Татарстан массакүләм мәгълүмат чараларының Казан мәктәбе фаҗигасен яктыртуын китерде. Ул чакта барлык медиаресурсларның игътибары нәкъ менә Татарстан массакүләм мәгълүмат чаралары материалларына юнәлтелгән булган.
Следите за самым важным и интересным в Telegram-каналеТатмедиа