Татар яшьләре Тукай белән бер дулкында
Татарстан яшьләре инициативасы буенча узган ел заманча Габдулла Тукай аккаунты булдырылды.
Габдулла Тукайның тууына 135 ел тулу уңаеннан Татарстан яшьләре бүгенге көндә Казанның яшьләр арасында популяр булган урыннарда: Татарстан республикасы Милли китапханәсендә, Иске Татар бистәсендә, «Урам» экстрим-паркында Тукайның нинди итеп күренүе турында фантазия рәвешендә иҗади фотоҗыентык әзерләде.
Тукай аккаунты инде бер ел эшли. Анда аның әсәрләре, мультфильмнар, татар мәдәнияте яңалыклары, шулай ук Г.Тукай әсәрләрен белүгә интерактив тестлар тупланган.
Соңгы постларның берсе-татар телен популярлаштыру буенча китап укучылар киңәшләреннән җыелган гайд. Аккаунтны сылтама буенча карарга була.
Следите за самым важным и интересным в Telegram-каналеТатмедиа
Оставляйте реакции
