Татарстан мөселманнары Диния нәзарәте рәисе РФ мөфтиенең сектантлыкта гаепләнгән хатын шәрехләде

“Равил хәзрәт Гайнетдин Россиянең барлык мөселманнарыннан хәбәр итү хокукын үзләштерергә омтыла”. «Татар-информ» мәгълүмат агентлыгына бу фикерне Татарстан мөселманнары Диния нәзарәте рәисе Камил хәзрәт Сәмигуллин, сектантлыкта гаепләүләр белән бәйле вәзгыятьне шәрехләп, әйтте.

ТР мөселманнары Диния нәзарәте җитәкчесе, Агентлыкның мондый гаепләүләр белән хат бастыруның сәбәпләре турындагы соравына җавап биреп, болай дип билгеләп үтте: “Ниятләренең нәрсәдә икәнен билгесез, бу сүзләрнең  съезд алдыннан дөньяга чыгуы очраклы түгел (ТР Диния нәзарәте съезды 12 апрельдә узачак). Равил хәзрәт Россиянең барлык мөселманнарыннан хәбәр итү хокукын үзләштерергә омтыла, әмма бу бүгенге көн чынбарлыгын чагылдырмый”.

Сәмигуллин шулай ук хат турында мәгълүмат чараларыннан  белүен дә өстәде. "Сүз уңаеннан, хат ТР Президенты Аппаратына рәсми рәвештә килеп, РФ Диния нәзарәте сайтында басылып чыкканчы ук интернетта таратылган, һәм бу да нәрсә турындадыр сөйли”,-дип ассызыклады Татарстан мөфтие.

Дүшәмбе көнне съездда ТР Диния нәзарәте җитәкчелегендә дүрт ел эшчәнлеге өчен доклад белән чыгыш ясаячагын да хәбәр итте Сәмигуллин. Доклад тексты белән мөфтиятнең сайтында танышырга мөмкин булачак.

“Шулай булгач, хат язуның хакыйкатен Аллаһ үзе генә белә. Ә Равил хәзрәткә сәламәтлек һәм яхшы Рамазан телим!”, — дип нәтиҗә ясады ТР мөселманнары Диния нәзарәте рәисе.

Чыганак