2020 елда Татарстанда 11 илкүләм проект гамәлгә ашырылган
Илкүләм проектларны тормышка ашыру нәтиҗәсендә узган елда республика районнарында алты мәктәп спортзалы ремонтланды, тугыз спорт объекты һәм дүрт футбол кыры төзелде.
2020 елда Татарстан республикасында 11 илкүләм проект кысаларында 50 федераль проект гамәлгә ашырылганлыгын хәбәр итә "Татар Информ".
Арча районындагы психоневрология интернатының 97 урынга исәпләнгән яңа торак корпусы төзелгән.
Түбән Камада күнекмәләр үткәрә торган футбол манежы, Яшел Үзән районының Васильево бистәсендә универсаль спорт залы, Казанның «Тасма» стадионында җиңел атлетика өчен йөгерү юллары да илкүләм проект кысаларында төзелде һәм ГТО нормаларын тапшыру өчен тугыз мәйданчык махсус җиһазлар белән тәэмин ителде. Шулай ук үткән ел дәвамында Татарстан башкаласында дүрт мәктәп һәм 12 балалар бакчасы кулланышка тапшырылды.
Следите за самым важным и интересным в Telegram-каналеТатмедиа