Әлмәт балалары фестивальдә көч сыный

Спорт парадында 36, 39, 22, 28, 40, 54, 57, 27, 45, 46, 35, 21, 43, 50 нче балалар бакчалары катнашты. Тантанада фестиваль кысаларында уздырылучы рәсемнәр бәйгесендә җиңүчеләр диплом һәм кубоклар белән бүләкләнде. Парадта катнашкан барлык командага да футбол тубы формасындагы торт өләшенде. Аннан соң "Күңелле старт" бәйгесе башланды. Көч сынашкан җиде команда арасыннан 36, 57, 35 нче бакча командалары финалга чыкты. Командаларның чираттагы очрашуы 3 октябрьдә узачак. Ярышлар финалы һәм җиңүчеләрне бүләкләү 17 октябрьгә планлаштырылган.