Әлмәт көрәшчеләре – Республика чемпионаты җиңүчеләре
25-26 октябрь көннәрендә Казаның «АК барс» көрәш сараенда «Авыл хуҗалыгы һәм эшкәртү сәнәгате хезмәтчәннәре көне»нә багышланган Авыл хуҗалыгы һәм азык-төлек министрлыгы призларына көрәш буенча ХХIV Татарстан Республикасы чемпионаты ярышлары булып узды.
Ярышларда бөтен республикадан 45 команда составында булган 300 дән артык көрәшче көч сынашты. Спортчылар арасында 60, 70, 80, 90, 100, 130, 130 һәм 130 килограммнан да югары артык авырлык категорияләрендә иң көчлеләрне ачыкладылар.
Бу ярышларда Әлмәт көрәшчеләре нефть башкаласын лаеклы рәвентә тәкъдим иттеләр. Нәтиҗәләр буенча безнең команда Әлмәткә 4 алтын медаль алып кайтты.
Чемпионнарыбызны ихлас күңелдән котлыйбыз!
Следите за самым важным и интересным в Telegram-каналеТатмедиа