Әлмәттә "ГТО Сабан туе" республика конкурсының муниципаль этабы узды

Ярышлар дистанцион рәвештә видеоязма ярдәмендә уза. Роликта гер ыргылып тартучы спортчы һәм шәһәр яки районның төгәл ассоциацияләре барлыкка килә торган танып-белү билгесе төшерелергә тиеш. Анда теләгән һәркем катнаша ала.

Физик культура, спорт һәм туризм идарәсе башлыгы Дмитрий Бакалдин билгеләп үткәнчә, конкурсның мәгънәсе Сабантуйның милли традицияләрен һәм ГТО комплексын берләштерүдән гыйбарәт. "Бер минут эчендә герне видеога ыргылып күтәрергә һәм аны кызык алып бару мөһим. Ягъни нәкъ менә безнең шәһәр өчен аерылып тора торган локациядә. Без «Татнефть» компаниясенең төп офисы янында урнашкан «Каракүз» скверын сайладык.

Муниципаль этап җиңүчесе республика бәйгесендә катнашачак. Жюри Казанда нәтиҗәләр чыгарачак, анда җиңүчеләр игълан ителәчәк. Әмма безгә катнашу, ГТО комплексын популярлаштыру мөһимрәк, өстәвенә, пандемия вакытында кешеләрнең активлыгы шактый кимеде. Аларның игътибарын сәламәт яшәү рәвешенә җәлеп итәргә кирәк", - дип ассызыклады ул. Әлмәт районыннан килгән катнашучыларның берсе гер спорты буенча күп тапкырлар дөнья чемпионы Дмитрий Петровичев булды. Ул бу юнәлеш белән 12 елга якын шөгыльләнә һәм үз осталыгын камерада бик теләп күрсәтте. Эссе һава торышына карамастан, Дмитрий милли татар күлмәкләрен һәм традицион баш киеме – түбәтәй киеп җиңел (һәрхәлдә, читтән караганда) гер күтәрү күнегүләрен башкарды.

Дмитрий Петровичевның нәтиҗәләре бик шаккаттыргыч. 32 килограммлы герне этеп күтәрүдә - 120 тапкыр, ә ыргылып күтәрүдә – 130 тапкыр. 24 килограммлы герне этеп күтәрүдә 190, ә ыргылып күтәрүдә – 210 тапкыр максималь нәтиҗә күрсәткән.

Ул элек гимнастика һәм көрәш белән шөгыльләнүе, ә гер спорты белән «Татнефть» ГАҖ спорт комплексында шөгыльләнүче егетләрне күргәч кызыксына башлавы турында сөйләде: 

«Минем иң беренче югары нәтиҗәм» Татнефть Спартакиадасында икенче урын булды, ул чакта мине республика җыелма командасына чакырдылар, һәм мин Россия һәм дөнья чемпионатларында чыгыш ясый башладым. 2017 ел иң истә калырлык ел булды, ул чакта, спорт белән шөгыльләнүем тәмамланды дип уйлаганда, мине Сеулда үзган дөнья чемпионатына сайлап алдылар һәм 24 килограммлы герләрне күтәрүдә беренче урын алдым.

Миңа моның белән шөгыльләнү ошый, чөнки гер – «тимер дөнья» пирамидасының югары ноктасы, дип саныйм. Моннан тыш, бу - халык уены, ул һәркемгә ачык спорт төре, чөнки ул зур чыгымнар таләп итми. Анда уңышка ирешү өчен хезмәт сөючәнлек, сабырлык, үз-үзеңне, иминиятеңне, ялкаулыкны, көчсезлекне җиңәргә кирәк. Гел алга барырга, үсәргә кирәк.

Минем өчен беренче тренерым Җәмил Шакиров һәм «Татнефть» спорт комплексы директоры Зирәк Хурамшин үрнәк булып тора. Моннан тыш, ярышларга өлкән яшьтәге спортчылар килә, соңгы дөнья чемпионатында катнашкан бер спортчыга 80 яшь. Аларга карап, алга барасы һәм яңа үрләргә менәсе килә.