Спорт
Эмиль Гарипов «Ак Барс» белән Казахстан Президенты Кубогына юл тотачак
Сезон алды турниры Нур-Солтанда 7 августта башлана.
«Ак Барс»ның капкачысы Эмиль Гарипов команда белән бергә Казахстан Президенты Кубогына сезон алды турнирына китә. Хоккейчы имгәнү сәбәпле ярты ел уйнамады.
«Бозга чыгаммы-юкмы, әйтә алмыйм, моны тренер хәл итәчәк. Хәзер хәлемне начар дип бәялим. Мин алты ай буе спортта катнаша алмадым, әлегә кондициягә керәм. Эшләгән күнегүләрне искә төшерергә тырышам, озак вакыт үтте бит», - диде Гарипов.
- Казахстан Республикасы Президенты Кубогы 7-11 августта Нур-Солтанда узачак.
- «Ак Барс»тан тыш, анда җирле «Барыс», Уфаның «Салават Юлаев», Екатеринбургның «Автомобилист» һәм Түбән Каманың «Нефтехимик» командалары уйнаячак.
Фото: архив/Ильнар Тухбатов
Следите за самым важным и интересным в Telegram-каналеТатмедиа
Оставляйте реакции
