"Ак Барс" Түбән Камада "Нефтехимик"ны җиңде

Бүген Түбән Камада “Ак Барс” хоккей командасы “Нефтехимик” командасына каршы уенда 1:2 исәбе белән җиңү яулады.

"Нефтехимик" – "Ак Барс" уены 19:00 сәгатьтә башланды. Уен беренче секундлардан ук "Ак Барс" һөҗүме белән башланып китте.

Беренче период. Ундүртенче минутта "Нефтехимик" уенчысы Юусо Пуустинен исәпне ачып җибәрде (1:0).

Икенче период. "Ак Барс" уенчысы Артем Лукояновның исәпне үзгәртергә мөмкинлеге бар иде, ләкин видеокабатлауны карагач, алка саналмады. Унбишенче минутта Алексей Потапов исәпне тигезләштерде (1:1). Унҗиденче минутта Глухов һәм Галиев паслары белән, Владимир Ткачев "Ак Барс" командасын алга чыгарды (1:2).

Өченче период.Соңгы периодта алкалар кертелмәде.

Шулай итеп, "Ак Барс" командасы җиңү яулады.

Командалар составы:
"Нефтехимик": Ежов (Коротаев);  Пуустинен – Руохомаа – Няттинен, Сергеев – Полашек;  Галимов – Нестрашил – Порядин, Огурцов –Брынцев;  Здунов – Якимов – Хайруллин, Шарипзянов – Волгин; Михнов – Куликов – Аркалов (Шафигуллин), Семёнов.

"Ак Барс":  Подъяпольский (Гарипов); Секач – Ландер – Азеведо, Яруллин – Марков; Зарипов – Бурмистров – Галиев, Батыршин – Абросимов; Лукоянов – Михеев – Потапов, Педан – Постма; Глухов – Ткачёв – Кара, Лямкин.

24 сентябрьдә “Ак Барс” Казандагы “Татнефть-Арена" бозында “Себер” командасын кабул итәчәк. Башлана 19.30 сәгатьтә.

Фото: Ильнар Тухбатов

 https://tatar-inform.tatar