«Ак Барс» хоккей клубы тренировкаларын 15 июльдә башлаячак
Команда Татарстан башкаласында тренировка җыеннары һәм турнир, шулай ук Казанда, Әлмәттә һәм Мәскәүдә контроль уеннар уздырырга планлаштыра.
Уенчылар Татарстанга 11-12 июльдә киләчәк. 13-14 июльдә команда медицина тикшеренүе узачак, ә 15-30 июльдә бозда һәм җирдә тренировкалар уздырачак.
Казан хоккейчылары беренче контроль уеннарны 31 июльдә һәм 1 августта үз бозларында «Нефтехимикка» каршы уйнаячак. Бу уеннардан соң команда Казанда тренировкаларын дәвам итәчәк, ә 4 августта Әлмәтнең «Нефтяник» командасы белән очрашачак.
Киләсе контроль матчлар Мәскәүдә 9-13 августта узар дип планлаштырыла. Анда «Ак Барс» ике тапкыр «Динамо» һәм бер тапкыр ЦСКА белән уйнаячак. Уеннарның төгәл көне һәм вакыты соңрак билгеле булачак.
КХЛның 2020-2021 елгы сезоны 2 сентябрьдә башланачак.
Татар-информ
Следите за самым важным и интересным в Telegram-каналеТатмедиа