Әлмәт районында әтиләр белән ГТО ярышы узды

Габдрахман авылында ярышлар ел саен уздырыла. Катнашучылар тапшырырга тиешле нормативлар арасында: отжимание, озынлыкка сикерү, иелү,  ыргыту һәм гер күтәрү. Отжимание ярышлары программасына кергән ГТО нормативлары исәбендә. Габдрахман авылында ел саен уздырыла торган ярышларда, гадәттәге 4-5 гаилә урынына, быел   ике гаилә катнашты.

«Балалар әтиләре белән бик әйбәт вакыт үткәрделәр: уйнадылар, йөгерделәр. Призлы урыннарны яуладылар, шуңа күрә барысы да шат»,-дип билгеләп үтте Габдрахман авылы спорт-сәламәтләндерү комплексы директоры Илдар Йосыпов.

 Рамис Исмәгыйлев-тәҗрибәле спортчы. Авыр атлетика белән ул мәктәптән үк мавыга. Ир-ат-спорт мастерлыгына кандидат һәм халыкара класслы спорт мастеры. Профессиональ яктан инде шөгыльләнми, хәзер ул авылдашларын өйрәтә.

«Минем тормышымда ярышлар бик күп булды. Һәр ярыш минем өчен бәйрәм кебек. Ярышларны яратам, ярышырга яратам. Һәрвакыт беренче булырга тырыштым», - диде ярышларда катнашучы Рамис Исмәгыйлев.

Быел Исмәгыйлевлар гаиләсе алтын призер булды. Ярышларны үсеп килүче буынны спорт белән кызыксындыру өчен дә үткәрәләр. «Спорт-алар спорт белән шөгыльләнергә омтылсын өчен тормыш нормасы ул. Ата – аналарның катнашуы балаларны спорт белән шөгыльләнергә этәрә»,-ди Габдрахман авылының спорт-сәламәтләндерү комплексы директоры Илдар Йосыпов.

Медальләр һәм грамоталардан тыш, катнашучыларга татлы призлар тапшырылды.