Әлмәт спортчылары «Олимпия-9» категориясендә Европа чемпионатында беренче урыннарны алдылар

7 июньнән 13 июньгә кадәр Сочида пауэрлифтинг һәм спортның көч төрләре буенча «Олимпия-9» Европа ачык чемпионаты узды, дип хәбәр итә район башлыгының матбугат хезмәте.

Ярышларда Сербия, Абхазия, Казахстан, Белоруссия һәм Россия кебек 5 илдән 650 спортчы катнашты.

Россия җыелма командасы составында Әлмәт спортчылары да катнашты. Беренче урыннарны «Мирас» спорт комплексы тренеры Ришат Фәттахов, методист Александр Ильин, 24-нче номерлы мәктәп укучысы Марат Галипов яуладылар. Алар үз үлчәү һәм яшь категорияләрендә Европа чемпионнары булдылар.