568 әлмәтле 1 май эстафетасында катнашты

1 май көнне Әлмәттә Ленин мәйданында мәктәп, урта һәм югары уку йортлары укучылары, оешма һәм предприятиеләр вәкилләре арасында Беренче май җиңел атлетика эстафетасы узды. Стартка 71 команда, 568 катнашучы чыкты.

      Инде традиционга әверелгән вакыйга быел 62 нче тапкыр үткәрелә. Эстафетада катнашучылар барлыгы 8 этапны уздылар, аларның һәркайсы 250 дән 400 метрга кадәр иде.

      Чарада район Башкарма комитеты һәм «Татнефть» профсоюз комитеты җитәкчеләре арасыннан мәртәбәле кунаклар катнашты.

      Бүләкләү тантанасы булды, анда ГТОның алтын билгеләре белән  укучыларны билгеләп үттеләр. «Татнефть» профсоюз комитеты рәисе Гомәр Яруллинны безнең районның физик культура һәм спорт үсешенә зур өлеш кертүе өчен рәхмәт хаты белән бүләкләделәр.

      Беренче май җиңел атлетика эстафетасына старт бүләкләү тантанасыннан соң бирелде.

      Укучылар категориясендә беренче урыннарны 5 нче урта мәктәп һәм 7 нче урта мәктәп командалары алды. Урта махсус уку йортлары һәм югары уку йортлары арасында – Әлмәт нефть институты, физик культура көллияте һәм политехника техникумы. Предприятиеләр арасында беренчелекне «Татнефть»  вәкиле яулады.        

      Барлык җиңүчеләр һәм призерлар «Татнефть» профкомы кубоклары һәм медальләре белән бүләкләнде.

Әлмәт муниципаль районы Башлыгының матбугат хезмәте