Әлмәттә урам бадминтоны буенча турнир узачак
Турнир "Татнефть" ярдәме белән уздырыла.
Әлмәттә беренче тапкыр "Мирас" спорт-сәламәтләндерү комплексы каршындагы мәйданда һәвәскәрләр һәм профессиональ уенчылар арасында урам бадминтон (Air Badminton) буенча турнир узачак.
Турнир "Татнефть" һәм "Мирас" спорт-сәламәтләндерү комплексы инициативасы белән үткәрелә.
Турнир А һәм Б төркемнәрендә узачак.
А төркемендә Татарстан республикасы һәм Россия Федерациясендә рейтингы булган спортчылар, спорт разрядлары булган спортчылар чыгыш ясаячак.
Б төркеме исә профессиональ рейтингка кермәүче һәвәскәрләр яки бадминтонда уйнау тәҗрибәсе булмаган катнашучылар өчен.
Яшь буенча чикләүләр юк.
Ярышлар түбәндәге разрядларда AirBadminton дисциплинасы кагыйдәләре нигезендә үткәрелә:
- ир-атлар арасында ялгыз разряд;
- хатын-кызлар арасында ялгыз разряд;
- ир-атлар арасында парлы разряд;
- хатын-кызлар парлы разряды;
- катнаш парлы разряд.
Катнашырга теләүчеләр ️Шевченко ур., 55 йортта урнашкан "Мирас" спорт комплексына мөрәҗәгать итә ала. тел.: 8 (8553) 44-05-11
Следите за самым важным и интересным в Telegram-каналеТатмедиа
Оставляйте реакции