Әлмәттә юл һәлакәтендә 23 кеше үлгән (+ инфографика)

Бу юлы бигрәк тә аянычлы, коточкыч һәлакәт шаһиты булырга туры килде. Әлмәттән Казан юнәлешендә "Лада Приора" автомобилендә хәрәкәт итүче 1989 елгы егет бик зур тизлек белән каршы як полосага чыга һәм "КамАЗ" кран күтәрткече астына барып керә. Автомобильнең тизлеге шулкадәр югары булган, күрәсең, ул тулысы белән йөк машинасы астында иде.

ЮХИДИ хезмәткәрләреннән алынган мәгълүмат шуны күрсәтте, гаеп - җиңел машина хуҗасында. Ул тизлекне арттырган һәм каршы якка чыккан. Фотоларда машина күрсәткечләре приборында тизлек датчигының угы 180 санында тукталган булган.

Бәхеткә, ул автомобильдә берүзе булган. Бәхетсезлеккә, аның хатыны тол, баласы ятим, әти-әнисе гомерлеккә кайгылы калды.

Ел башыннан район һәм шәһәр юлларында 120 юл-транспорт һәлакәте теркәлгән. Аларда 23 кеше һәлак булган, 163 кеше төрле дәрәҗәдәге тән җәрәхәтләре алган. Әлеге фаҗигаләрнең 20 се - балалар катнашында. 20 июльгә алынган мәгълүматка караганда, 21 бала зын күргән, берсе һәлак булган.

Рәдифә НОГМАНОВА