Юлларда
Әлмәттә җитди юл һәлакәтендә "Лада" машинасына ут капкан
Фаҗига урынында булучылар әйтүенчә, машина йөртүче исерек булган.
Әлмәттә "Лада" машинасына ут капкан юл фаҗигасе видеоязмасы "Татар-информ" мәгълүмат агентлыгына килеп иреште.
Гадәттән тыш хәл Әлмәтнең Ленин һәм Төзүчеләр урамнары чатында килеп чыккан.
Башлангыч мәгълүматлар буенча, машина йөртүче полиция хезмәткәрләреннән качып китмәкче булган. Машина кызу тизлектә юл читенә чыгып киткән һәм газонга кереп баткан. Шуннан соң "Лада"га ут капкан.
Авария урынында булган кешеләр һәм ЮХИДИ хезмәткәрләре машина йөртүчене җимерек машинасыннан чыгарган. Күргән кешеләр әйтүенчә, машина йөртүче исерек булган.
Следите за самым важным и интересным в Telegram-каналеТатмедиа
Оставляйте реакции
