Әлмәттә «Автобус» профилактик чарасы вакытында хокук бозу очрагы ачыкланды

«Автобус» профилактик чарасы барышында Әлмәттә массакүләм мәгълүмат чаралары белән берлектә пассажирлар йөртү кагыйдәләрен бозуны булдырмауга һәм ачыклауга, шулай ук транспорт хезмәтләрен законсыз күрсәтүгә һәм пассажирлар йөртүнең тиешле дәрәҗәдә куркынычсызлыгын тәэмин итмәүгә юнәлдерелгән рейд үткәрелде. Әлеге операция барышында 10 автобус тикшерелгән һәм 1 хокук бозу очрагы ачыкланган: руль идарәсе төзек булмаган транспорт чарасы белән идарә итү, автобус махсус ябык стоянкага җибәрелгән.

Дәүләт автоинспекциясе хезмәткәрләре машина йөртүчеләргә юл хәрәкәте кагыйдәләрен үтәүнең мөһимлеген искә төшерде.