Әлмәттә яктылык кайтаручы элементларны популярлаштыру буенча чара узды

Укучыларны ишек төбендә каршы алганда, яшь хәрәкәт инспекторлары балаларның өске киемнәрендә, рюкзакларында яктылык кайтаручы элементлар булуын тикшерде. Аннан соң акциядә катнашучылар укучыларга: яктылыкны кире кайтаручы элементлар ни өчен кирәк, җәяүлеләргә нинди ярдәм күрсәтәләр, шулай ук кара урамнарда һәм юлларда үз-үзеңне ничек сакларга кирәклеге турында сораулар бирделәр.

Дөрес җаваплар һәм фликерлары булган  балалар кәнфитләр алды.

4 нче сыйныф укучылары белән профилактик әңгәмә үткәрелде, аларга юл йөрү кагыйдәләрен искә төшерделәр һәм алган белемнәрен тематик видеороликлар ярдәмендә ныгыттылар. Барлык балаларга да фликерлар һәм белешмәлекләр тапшырылды.