Әлмәт таңнары

Әлмәт суды исерек килеш юл-транспорт һәлакәте булдырган ир-атны гаепле дип тапкан

Зыян күрүче якларның дуслашуы сәбәпле, җинаять эшен туктатуны сорый.

Әлмәт суды элек хөкем ителмәгән Азнакай кешесенә карата җинаять эшен карады. Ир исерек килеш руль артына утыруда гаепләнә, нәтиҗәдә, һәлакәт килеп чыга һәм кеше һәлак була. Бу хакта суд матбугат хезмәте хәбәр итә.

Яшь кеше руль артына 2020 елның сентябрендә исерек килеш утыра. Машинада тагын бер пассажир булган. Машина йөртүче идарәне үти алмый һәм кюветка оча. Авария нәтиҗәсендә автомобиль пассажиры алган җәрәхәтләрдән шунда ук үлә.

Ир үзен юл-транспорт һәлакәтендә гаебен таный һәм җентекле аңлатмаларны бирә алмавын, чөнки һәлакәттән соң алынган баш җәрәхәте аркасында берни дә хәтерләмәвен әйтә. Үзенең урамда йөрүен, алкоголь эчүен һәм медиөина учреждениесендә булуын гына  хәтерләвен әйтә.

Реклама

Зыян күрүче судта хөкем ителүчегә карата дәгъвалар булмавын, мораль зыянны каплавын хәбәр итә. Ул килешүгә бәйле җинаять эшен туктатуны сорый.

Суд Азнакайда яшәүче бер кешене гомуми режимлы колониядә 5 елга ирегеннән мәхрүм иткән, шулай ук аны 2 елга һәм 6 айга машина йөртү хокукыннан мәхрүм иткән.

Хөкем карары законлы көченә кермәде һәм аңа карата шикаять бирелергә мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: