Әлмәттә “Автобус” операциясе башланды
Соңгы айларда республика территориясендә автобус йөртүчеләр гаебе белән 34 юл-транспорт һәлакәте теркәлгән, аларда 1 кеше һәлак булган һәм 40 кеше төрле дәрәҗәдәге тән җәрәхәтләре алган.
Бу елның 5 апрелендә Питрәч районында шоферның исерек хәлдә мәктәп автобусы белән идарә иткәнлеге ачыкланган.
Автобус йөртүчеләр тарафыннан юл-транспорт һәлакәтләрен кисәтү һәм булдырмау, шулай ук бу елның 8 апреленнән 15 апреленә кадәр юл хәрәкәте иминлегенә йогынты ясый торган тупас бозуларга юл куймау максатыннан «Автобус» профилактик чарасы узачак. Чара кысаларында пассажирлар автотранспортын тикшерү оештырылачак.
Следите за самым важным и интересным в Telegram-каналеТатмедиа