Әлмәт таңнары

Газетабыз битләрендә үскән шагыйрь

Бу әдәби сәхифәбезнең иясен әлмәтлеләр журналист Әхтәм Фәтхетдинов, шагыйрь Әхтәм Фәтхи һәм профессиональ дәрәҗәдәге һәвәскәр умартачы Әхтәм абзый буларак та яхшы беләләр. "Әлмәт таңнары" газетасы укучыларына һәм редакция хезмәткәрләренә ул бигрәк тә яхшы билгеле шәхес.

Әле газетабыз "Хезмәт байрагы" исеме астында чыккан елларда, төгәлрәге, җитмешенче еллар азагында, ул, Чирмешән районы газетасы редакциясеннән Әлмәткә күченеп, шәһәр газетасы редакторының дубляж буенча урынбасары булып эшкә керешкән иде. Ул җитәкләгән дубляж газетасының төп эше, аңлашылганча, рус телендә чыккан газета мәкаләләрен тәрҗемә итеп бастыру булса да, бу кечкенә коллективның уртак тырышлыгы белән, татар телендә язылган эчтәлекле һәм кызыклы мәкаләләр, шигырьләр, хикәяләр, башка әдәби әйберләргә дә урын табыла килде. Язучыларның Әлмәт бүлеге, әдәби түгәрәкләр белән тыгыз элемтә урнашты. Даими төстә чыгып килгән әдәби сәхифәләрне укучылар көтеп алды, кызыксынып укыды һәм үзләре дә җанлы катнашты. Әйтергә кирәк, бу традиция әлегәчә дәвам итә.
Әхтәм Фәтхетдинов газетаны кызыклы итүгә зыялы милләттәшләрне, гади укучыларны җәлеп итү белән бергә, үзенең дә иҗат активлыгын арттыра, язучы каләмен очлый, әдәби әйберләрен камилләштерә барды. Язучылар бүлеге һәм редакция каршындагы "Кызыл каурыйлар" әдәби иҗат берләшмәсен дә берничә еллар буена ул җитәкләде. Шулай итеп, без аны газетабыз битләрендә үскән шагыйрь дип ышанып әйтә алабыз.
Соңрак, башка матбугат органнарында эшләгән чакларында да, газета белән элемтәне яңарткалап торды, лирик һәм юмористик шигырьләре, хикәяләре белән катнашып килде. Газета битләрендә урын алып, укучы иләгеннән үткән әсәрләрен туплый барып, әдәби сүз сөючеләр өчен кызыклы, эчтәлекле, тормышчан, матур һәм үтемле тел белән язылган берничә китап - "Урман ташулары", "Йөрәгемне тыңла!", "Адәм көлкесе", "Балачак хыяллары", "Әтки, әнки рухына дога" - бастырып чыгарды. Шуларның соңгы икесе өчен ул 2008 елда Рафаил Төхфәтуллин исемендәге әдәби бүләккә лаек булды. Өч дистә елдан күбрәк журналистика өлкәсендәге һәм шул чаклы ук чордагы нәтиҗәле әдәби-иҗат эшчәнлеге өчен "Татарстан Республикасының атказанган мәдәният хезмәткәре" мактаулы исеме бирелүе аның күпьеллык тырыш хезмәтенә югары бәя булып тора, тормыш һәм иҗат бакчасының җимешле булуын дәлилли.
Шушы елның 22 апрелендә Әхтәм абыйга җитмеш яшь тулды. Кичәле-бүгенле генә иҗат табасыннан төшергән, компьютерында бастырып, принтерыннан чыгаргандагы җылысы да суынып өлгермәгән ап-ак кәгазь битләрендәге шигырьләрдән яшьлек дәрте, кайнар сөю хисләре, җиңел юмор ташып торуын тоеп, аның шушы яшькә җиткәнлегенә ышанасы да килми. Ләкин факт белән килешми булмый. Ә шулай да, өр-яңа әйберләрен укып, аның иҗади яктан һаман да яшь булып калуын күрәбез, олы юбилее белән кайнар котлап, иҗат гомеренең озын булуын ихлас телибез һәм яңадан-яңа кызыклы әсәрләрен көтеп калабыз!

Әхтәм ФӘТХИ


Җилбәзәк чагымда


Хис ташкан язымда,
Яр сөйгән чагымда,
Мин киттем, аерылып,
сөекле ярымнан.
Каплады иркәмнең
Иелгән шәүләсен
Елларның, юлларның
томандай пәрдәсе.

Җилбәзәк чагымда,
Җил уңай ягыма,
Мин киттем үстергән,
үз күргән авылдан.
Тыйгысыз хыяллар
Киергән җилкәнем
Дәрьядай дөньяда
кайларга илтмәде?!

Йөз яшәр авылдан,
Сөекле ярымнан
Ник китеп олактым,
юлыктым давылга?!
Карамый давылга,
Кайтышым авылга.
Әйтермен ярыма:
кичер, дип,барын да!

Бер киткәч авылдан,
Чит иткән ярымнан
Мин көтмим үз күрү,
кичерү яңадан.
Шулай да кайтамын
Мин туган ягыма,
Кадерен белмәгән бәхетле
чагыма.


Тыелган җимеш


Оҗмах бакчасында харам
Алма өзү тыелган.
Тыелганны өзеп, Адәм
Оҗмахыннан куылган.
Оҗмах бакчасына кабат
Кайтып, карыйсы килә.
Җәннәт җимешен җирдә дә
Татып карыйсы килә!

Кайчак күрше бакчасы да
Җәннәт булып тоела.
Адәмгә моннан да алма
Өзеп алу тыела.
Тик алмасын учларыңда
Тотып карыйсы килә.
Тыелган татлы җимешен
Татып карыйсы килә!

Адәми зат оныклары,
Булса да тыелмакчы,
Тыелган җимешне өзә,
Бакчадан куылганчы.
Алмагачның төпләрендә
Ятып, карыйсы килә.
Алма пешсә, өзелеп төшәр -
Татып карыйсы килә!



"Бер күрүдә яраттың"


Без базарда очраштык.
Бер күрүдә яраттың.
Күзгә карап, акча тулы
Янчыгымны ошаттың.


Кушымта:
Әй, син, егет, кем әле?
Тирәмдә бик йөрмәле,
Янчыгымны куеныңа
Куйганымны күрмәле!

Күз аттың да, сүз аттың,
Авызыңа караттың.
Юл буена тәмле сөйләп,
Өемәчә озаттың.


Кушымта:
Әй, син, егет кем әле?
Бусагамда йөрмәле.
Бусагамнан атласаң да,
Кочагыма кермәле!

Йөрәгемдә ут яктың,
Хатынлыкка сораттың,
Янчыгымны бушаттың да,
Әллә кая олактың.


Кушымта:
Әй, син, егет, кем әле?
Качкынмы син, ирме әле?
Базарда янчыгы калын
Кәләш эзләп йөрмәле!



Хаклык эзлим дисәң...


Хуҗа хаксыз - мин хаклыкны
Барыбер, дидем, табам,
Инде хәзер яңа төштә
Яңа эш эзләп чабам.

Отышлы алмашу


Әти телевизор аша
Футбол карап утыра.
Малай дәрес хәзерләргә
Тиеш, шуңа "борчыла".

Малай сизә үзен язмыш
Кимсеткән бер кешедәй.
Ул канәгать түгел эшне
Гаделсез бүлешүдән.

Әти, син, ди, минем өчен
Дәрес кара, ярармы?
Ә мин теликтан футболны
Синең өчен карармын!

Теги: 250
Нравится
Поделиться:
Реклама
Комментарии (0)
  • 23 января 2018 в 16:18
    Әлмәт ветераны альпинизм буенча ярышта I урын алды Якташыбыз альпинизм буенча Татарстанның ачык кубогында I урынны яулады.
    38
    0
    0
  • 23 января 2018 в 16:02
    Әлмәттә үзенчәлекле бәйге узды [+ФОТОЛАР] Юлда йөрү кагыйдәләрен белү һәм юл-транспорт һәлакәтләрен киметү максатын күздә тотып Әлмәттә Кыш Бабай призларына эстафета оештырылды.
    27
    0
    0
  • 23 января 2018 в 15:35
    Әлмәтнең яшь мөгаллимәләре ярыша «Ел тәрбиячесе – 2018» шәһәр бәйгесе кысаларында быел беренче тапкыр яшь мөгаллимнәр арасында «Педагогик дебют – 2018» бәйгесе булып узды.
    72
    0
    0
  • 23 января 2018 в 15:08
    Әлмәтнең яшь гаиләсендә икеләтә шатлык Гаиләдә беренче булып туган балага бирелүче пособиене алуга документлар тапшырган тәүге Әлмәт гаиләсе шушы көннәрдә дәүләт ярдәменнән файдаланды.
    66
    0
    0
  • 23 января 2018 в 15:05
    Өмет өзелде: Төркиядә Гөлсем ханым табып алып тәрбияләгән Россия егете Өмет вафат Төркиянең Анталья шәһәре хастаханәсендә «Пусть говорят» тапшыруы герое вафат булган. Ул милләте буенча рус кеше булган дип фаразлана. Төркиядә бу егетне «Өмет» дип йөрткәннәр. Бу хакта «Анадолу» агентлыгы хәбәр итә.
    150
    0
    1
  • 23 января 2018 в 14:19
    Биш яшьлек бала кар автомобиленнән егылып, башын имгәткән Малай хәзер Республика балалар клиник хастаханәсендә.
    79
    0
    0
  • 23 января 2018 в 13:56
    ВУЗ-2018: УКЫРГА КЕРҮНЕҢ ЯҢА КАГЫЙДӘЛӘРЕ Арбаны кыштан ук әзерләргә кирәк, диләр бит. Шуңа 11нче сыйныфта укучылар кайсы университетка керүләрен бүгеннән уйлап кую яклы. Россия Мәгариф һәм фән министрлыгы бернинди үзгәрешләр булмаячак, дисә дә, алдан белешеп куюың яхшырак. 2018 елда вузларга укырга керүдә нинди яңалыклар көтелә – бүген «Ялкын» шуның турында сөйли.
    91
    0
    0
  • 23 января 2018 в 13:38
    В Татарстане мама, спасая своих детей на пожаре выкинула их из окна В Татарстане мама, спасая своих детей на пожаре выкинула их из окна НОВОСТИ 22 января 2018, 13:51Короткая ссылка Полугодовалый малыш от полученных травм при падении скончался в больнице. 30-летняя девушка из Лениногорска потеряла сына из-за паники. Пожар на улице Спортивная, 2 произошёл 21 января в полночь, когда все спали. Испуганная Валентина Р., чтоб спасти своих детей, решила действовать опрометчиво. Девушка, открыв окно по очереди сбросила со второго этажа сначала своего двухгодовалого ребёнка, а за ним и полугодовалого.
    144
    0
    0
  • 23 января 2018 в 13:26
    В муниципалитетах Татарстана пройдут семинары для членов избирательных комиссий Семинары состоятся 23 — 25 января для членов избиркомов Апастовского, Балтасинского, Буинского, Дрожжановского, Кайбицкого и Кукморского районов.
    50
    0
    0
  • 23 января 2018 в 11:10
    Икмәк валчыгы өчен чәнчеп үтергән Түбән Кама суды иптәшен чәнчеп үтергән 67 яшьлек Иван Андроновка хөкем карары чыгарган, дип хәбәр итә “Эфир” телеканалы. Ир 13 елга ирегеннән мәхрүм ителгән.
    57
    0
    0
  • 23 января 2018 в 10:55
    200 һәм 2000 сумлык купюраны кабул итмәгән өчен 50000 штраф түләтәчәкләр 200 һәм 2000 меңлек купюралар, сирәк булса да, халык арасына чыкты. Кайберәүләр, әлегә сирәк күренгән купюраларны интернет аша кыйбаткарак бәягә сатарга тырышалар. Ә кайбер сатучылар, киресенчә, яңа номиналлы акчаны кабул итәргә теләмиләр.
    67
    0
    0
  • 23 января 2018 в 10:50
    Танцы на шесте для детей: «Обучаю с нуля! Беру всех, всех, всех» В Закамье бурно обсуждают спортивные занятия для дошкольников «на грани»
    88
    0
    0
  • 23 января 2018 в 10:44
    Ябыгам, дисәң... Еллар сынавы узган талгын көй ябыгырга теләүчеләргә булыша икән. Америка галимнәре тикшеренүләре күрсәткәнчә, табында утырганда нинди көй тыңлауга карап, кеше күбрәк яки азрак ашарга сәләтле, имеш. Әлеге бәйлелекне белгечләр тәҗрибә ярдәмендә ачыклаган.
    88
    0
    0
Реклама
  • 30 ноября 2017 в 10:40
    Безопасные и качественные дороги
  • 24 ноября 2017 в 23:20
    Государственные языки