Татарстанда табиблар хатасыннан зыян күргәннәр өчен “кайнар” линия эшли башлады
Казан хокук саклау үзәге юристлары, раслау документлары булган очракта, судта мөрәҗәгать итүченең ихтыяҗларын якларга әзер
Бүгеннән Татарстанда табиблар хатасыннан зыян күргәннәр өчен "кайнар" линия эшли башлады. Аны Казан хокук саклау үзәге оештыра.
Акция хокук саклау эшчәнлегенә бүлеп бирелгән Россия Президенты гранты акчасына уздырыла. Юристлар гражданнарга бушлай консультация бирәчәк, һәлакәттән соң кая мөрәҗәгать итәргә, тикшерү органнарына һәм судка мөрәҗәгать итү өчен, нинди материаллар җыярга кирәклеген аңлатачак.
Медицина ярдәмен күрсәткәндә килеп чыккан кимчелекләрне раслаучы документлар булган очракта, Казанның хокук саклау үзәге судта мөрәҗәгать итүченең ихтыяҗларын якларга әзер.
Казан хокук саклау үзәгенең "кайнар" линиясе телефоны - 8 (843) 277-03-86. Юристларга әлеге телефон номеры буенча агымдагы елның 20 нче февраленә кадәр мөрәҗәгать итәргә була, дип хәбәр итәләр Казан хокук саклау үзәгендә.
Следите за самым важным и интересным в Telegram-каналеТатмедиа
Оставляйте реакции
Теги: 250
