Татарстанда "Сәламәт булыйк!" проекты башланды

"Сәламәт булыйк!" проекты татарстанлыларга сәламәт яшәү рәвеше һәм хезмәт режимы турында сөйләячәк. Бу хакта ТР Сәламәтлек саклау министрлыгының матбугат хезмәтендә сөйләделәр.

«Безнең инициатива нигезендә -   Рөстәм Миңнехановның "Сәламәт булыйк!" президент программасы. Ул сәламәт яшәү рәвешенә, авыруларны профилактикалауга, рациональ туклануга, гигиена нормаларын үтәүгә, хезмәт һәм ял режимын саклауга кагылышлы киң даирә мәсьәләләргә кагыла», − диде республика ведомствосы башлыгы Марат Садыйков.

ТР Сәламәтлек саклау министрлыгының төп максаты - республика халкында сәламәт гадәтләр һәм үз сәламәтлегеңә аңлы караш формалаштыру.

Министр сүзләренә караганда, проектның кирәклеге ТР Президентының кешеләрнең иминлеге турында гына түгел, ә бәлки тормыш шартлары турында кайгыртырга омтылышы белән бәйле. Садыков Татарстан медикларының коронавирус пандемиясе белән уңышлы көрәшүе татарстанлыларга кеше сәламәтлеге – аның иң кыйммәтле ресурсы, дип искәртте.

"Якын арада без республика массакүләм мәгълүмат чараларында һәм Татарстан социаль челтәрләренең рәсми аккаунтларында мәгълүмат җиткерү мәкаләләренең тулы бер сериясен урнаштырырга ниятлибез. Аудитория белән аралашуның башка каналы телевидение булачак - бу тематик тапшырулар һәм экспертларның интервьюлары булачак", - дип аңлатты министр.

Моннан тыш, Татарстан Республикасы Мәгариф һәм фән министрлыгы белән берлектә ведомство балалар өчен махсус акцияләр һәм мәктәпләрдә сыйныф сәгатьләре үткәрергә планлаштыра.