Әлмәттә онкология белән авыручыларның хәлләре җиңеләйде
Яман шеш белән авыручыларга ярдәм күрсәтүне тагын да нәтиҗәле итү өчен Әлмәттә паллиатив медицина ярдәме бүлеге ачылды.
Күчмә бригада составында паллиатив ярдәм табиб-онкологы Рөстәм Газизов, паллиатив ярдәм шәфкать туташлары Гөлназ Алексеева һәм Айсылу Вәлиәхмәтова, шофер Виктор Абросимовлар эшли. Яман шеш авыруы инде хроник төс алып, дәвалый алмас хәлгә җиткәч, радикаль дәвалау мөмкинлеге бөтенләй беткәч, авыруларга һәм аның туганнарына паллиатив хезмәт ярдәмгә килә. Аның бурычы авыруның тормышын мөмкин булган кадәр озайтырга һәм туганнарына авырлыкларны җиңүдә ярдәм итәргә тырышудан гыйбарәт.
Ярдәм кирәк булса, Әлмәттә паллиатив служба телефоннары: 44 - 01- 08, 8- 927- 478- 71- 54.
Следите за самым важным и интересным в Telegram-каналеТатмедиа