Көзге-кышкы чорда кырык бер меңгә якын әлмәтлегә грипптан прививка ясау планлаштырыла

Сәламәтлек саклау милли проектын гамәлгә ашыру кысаларында мәктәпкәчә яшьтәге 3800 балага, 11 мең мәктәп укучысына һәм 3 мең студентка әлеге грипптан саклану чарасы күреләчәк. Шулай ук медикларга (2120 кеше), мәгариф тармагы хезмәткәрләренә (4000), 60 яшьтән өлкән 12 мең кешегә прививка ясалачак. Сәламәтлек саклау идарәсе мәгълүматлары буенча, өстәмә вакцина нәтиҗәсендә быел әлмәтлеләр грипп һәм сулыш-тын юллары авыруларыннан 1,5 тапкырга кимрәк авырган.