Депрессиядән котылу чаралары бар
Күпләр үз тормышын ничек итеп яхшы якка үзгәртергә һәм үз-үзен ничек кулга алырга кирәклеге хакында белми. Ә бит моңа ирешү артык катлаулы да түгел.
Кеше тормышында иң мөһим нәрсә - ул йокы. Бары тик йокы гына сәламәт, шат күңелле булып күренергә һәм һәр хәл-вакыйгага аек акыл белән карарга ярдәм итә.
Җаныгызга тынычлык бирмәгән хис-тойгыларыгыз турында үзегез ышанган кешегә ачылыгыз. Күңелегездә үпкә һәм тискәре уйлар сакламагыз.
Тормышта озак вакыт дәвам иткән бертөрлелек (мәсәлән, эш-йорт) адәм баласын арыганлыкка һәм депрессиягә китерергә мөмкин. Тормышыгызны төрлеләндерергә тырышыгыз: күргәзмәләргә, театр, музейларга, кибетләргә йөрегез. Шулай ук физик активлык: йөгерү, бию, җәяү йөрү һ.б. шөгыльләр дә депрессиядән котылырга һәм үзегезне яхшы хис итәргә ярдәм итәчәк.
Күптән өстәмә шөгыль үзләштерергә телисезме? Бүген өйдән генә пешеренү, маникюр, чәчтараш һ.б. һөнәрләргә ия булу мөмкинлекләре ачылды. Үз-үзегезне яратыгыз, мактагыз, елмаегыз һәм көлегез!
Следите за самым важным и интересным в Telegram-каналеТатмедиа