Быел Әлмәттә кемнәр диспансерлаштыру узарга тиеш?

Әлмәттә диспансерлаштыру өч медицина учреждениесендә оештырыла: Үзәк район шифаханәсендә, медсанчастьта һәм 3 нче поликлиникада. Яшәү урыны буенча һәркем профилактика кабинетына барырга, маршрут кәгазе алырга тиеш була.

Быел 1993, 1990, 1987,1984, 1981, 1978, 1975, 1972, 1969, 1966, 1963, 1960, 1957, 1954, 1951, 1948, 1945, 1942, 1939, 1936, 1933, 1930, 1927, 1924, 1921, 1918, 1915 елларда туганнар диспансерлаштыру узачак. Ул хроник авыруларны ачыклау максатыннан оештырыла. Бигрәк тә ул йөрәк-кан тамырлары, онкология, үпкә, шикәр диабетын үзвакытында ачыклау бурычын куя, чөнки нәкъ менә алда саналган авырулар инвалидлыкка китерергә мөмкин. Диспансерлаштыруның соңгы этабында һәркемгә сәламәтлек паспорты бирелә.

Әлмәттә "кайнар линия" телефоннары:

Үзәк район шифаханәсе 33-83-02;

3 нче поликлиника 32-33-75;

Медсанчасть 311-111, 311-159;

Сәламәтлек саклау идарәсе 32-77-86.

Гөлназ ГЫЙЗЗӘТУЛЛИНА